Azərbaycana mesaj göndərdilər: Müraciət etsəniz, “hə” cavabı verəcəyik

Avrasiya İnkişaf Bankı (AİB) Azərbaycanın üzvlüklə bağlı müraciətinə baxmağa hazırdır.

Publika.az xəbər verir ki, bunu bankın İdarə Heyətinin sədri Nikolay Podquzov AİB-in Almatıda keçirilən illik iclasında və biznes forumunda deyib.

“Azərbaycan əsas fəaliyyətlərimizin cəmləşdiyi regionda yerləşir, əgər banka üzv olmaq arzusunu bildirsə, biz belə bir təklifi məmnuniyyətlə nəzərdən keçirəcəyik və əminəm ki, həllini tapacaq”, - Podquzov bildirib.

O bildirib ki, əgər Bakıdan təklif daxil olarsa, baxılmaq üçün səhmdarlara göndəriləcək və Podquzovun sözlərinə görə, onlar müsbət reaksiya verəcəklər. Podquzov həmçinin qeyd edib ki, Azərbaycan bankın həmtəsisçiləri - Rusiya və Qazaxıstanla fəal əməkdaşlıq edir.

Sədr bankın Türkiyə ilə əməkdaşlığından, xüsusən də Qazaxıstanda bir sıra birgə layihələrdən bəhs edib.

“Biz banka qoşulmaq üçün Türkiyə ilə qarşılıqlı fəaliyyətə açığıq.

Xatırladaq ki, bank dağıdıcı zəlzələdən sonra humanitar yardım çərçivəsində Türkiyəyə 1 milyon dollar ayırıb. Podquzov əmin edib ki, İİB yeni səhmdarların cəlb edilməsi istiqamətində fəaliyyətini davam etdirəcək.

Hazırda İİB-in səhmdarları Rusiya, Ermənistan, Qazaxıstan, Belarus, Tacikistan və Qırğızıstandır.

Tural