MDB

Bu ölkədə son 3 ildə 7-ci seçki: Sabitlik yaranacaq, yoxsa...

28 Oktyabr 2024 17:31

Bolqarıstanın keçmiş baş naziri Boyko Borisovun “Vətəndaşlar Bolqarıstanın Avropa İnkişafı Uğrunda” və “Demokratik Qüvvələr İttifaqı” (GERB-SDS) partiyalarının koalisiyası parlament seçkilərində qalib gəlib.

Publika.az xəbər verir ki, bu barədə "Nova" telekanalı məlumat yayıb.

"GERB-SDS 26,08 faiz səslə parlament seçkilərində qalib gəlir", - kanalın materialında qeyd olunur.

İkinci yeri 14,76 faiz səslə “Dəyişikliyə Davam Et” partiyası və “Demokratik Bolqarıstan” birliyinin koalisiyası tutub. Dirçəliş partiyası 13,81 faiz səslə üçüncü yeri tutub. Bu siyasi qüvvə Rusiya ilə münasibətlərin normallaşmasının tərəfdarıdır.

Beləliklə, bu seçkilər Bolqarıstanda son üç ildə yeddinci oldu. Bir neçə ildir ki, əsas siyasi qüvvələr razılığa gələ, sabit hökumət qura bilmirlər. Bu baxımdan, analitiklər gələcəkdə partiyaların danışıqlarının növbəti uğursuzluğunu və gələn il səkkizinci növbədənkənar seçkilərin keçiriləcəyini istisna etmirlər.

Adəm Abbaslı