Ermənistanla Rusiya arasında münasibət mürəkkəbdir, Mirzoyanı gözləyirəm - Lavrov

Ermənistan və Rusiya arasında münasibətlər asan deyil, lakin dialoq davam edir və Ermənistan xarici işlər naziri Ararat Mirzoyanın yaxın vaxtlarda Moskvaya səfəri planlaşdırılır.

Publika.az xəbər verir ki, bunu Rusiya Xarici işlər naziri Sergey Lavrov yekun mətbuat konfransında bildirib.

O qeyd edib ki, erməni həmkarı dəvəti qəbul edib.

Eyni zamanda, nazir Ermənistan hökumətinin Aİ-yə üzvlük prosesinə başlamaqla bağlı son qərarına toxunub, həmçinin baş nazirin müavini Aleksey Overçukun Aİİ və Aİ-yə üzvlüyün uyğunsuzluğu ilə bağlı fikirləri ilə razılaşıb.

“Bu, iki fərqli sistemdir, fərqli azad ticarət zonalarıdır, lakin bu, İrəvanın suveren hüququdur, lakin müsbət və mənfi cəhətləri ölçmək həm də Ermənistan hökumətinin üzərinə düşür”, - Lavrov bildirib.

KTMT haqqında danışan nazir Ermənistanın KTMT tədbirlərində iştirak etmədiyini xatırladıb, lakin ədalət naminə vurğulayıb ki, İrəvan qərarların qəbuluna mane olmur. Buna görə də təşkilat işləyir və fəaliyyət göstərir.

Tural