MDB

Moskva bəyan etdi: Hazırıq - Şərtlərini də açıqladı

4 Fevral 2025 09:06

Rusiya 2022-ci il İstanbul sənədi əsasında aparıla biləcək Ukrayna nizamlanması üzrə ciddi müzakirəyə hazırdır.

Publika.az xəbər verir ki, bu barədə TASS-a müsahibəsində Rusiya Xarici İşlər Nazirliyinin MDB ölkələri üzrə ikinci departamentinin rəhbəri Aleksey Polisçuk bildirib.

O xatırladıb ki, sazişlərdə Ukraynanın neytral, bloklara qoşulmamış, qeyri-nüvə statusu, habelə onun demilitarizasiyası və denazifikasiyası, onun ərazisində xarici qoşunların və bazaların yerləşdirilməməsi məsələləri müzakirə olunub.

“Bundan əlavə, danışıqlara başlamaq üçün Zelenskinin qeyri-legitimliyi və onlara qadağa qoyan fərmanı ilə bağlı hüquqi aspektlər həll edilməlidir”, - diplomat deyib.

Bundan əvvəl Rusiya Xarici Kəşfiyyat Xidməti (SVR) məlumat vermişdi ki, Qərb ölkələri Ukraynadakı münaqişə ilə bağlı Rusiya ilə danışıqlara başlamaq və onun mərhələli həlli ideyasına getdikcə daha çox maraq göstərirlər.

Tural