MDB

17 yaşlı ana gizli doğduğu körpəni vəhşicəsinə öldürüb küçəyə atdı

11 Oktyabr 2025 10:35

Rusiyada dəhşətli cinayət hadisəsi baş verib.

Publika.az yerli mediaya istinadən xəbər verir ki, Barnaulda azyaşlı ana valideynlərindən qorxduğu üçün dünyaya gətirdiyi körpəsini öldürüb.

Altay diyarının İstintaq Komitəsinin məlumatına görə, oktyabrın 10-da axşam saatlarında Malaxov küçəsi yaxınlığında boyun və döş qəfəsi nahiyəsindən bıçaq xəsarətləri olan körpənin meyiti tapılıb.

"Tezliklə məlum olub ki, mərhumun anası 17 yaşlı yerli sakindir.O, imkanlı ailədə böyüyüb. Azyaşlı ana saxlanılıb və dindirilmə prosesi gedir",- nəşr yazıb.

Məlum olub ki, o, hamiləliyini valideynlərindən gizlədib və nəticədə evdə tək olan zaman sağlam oğlan uşağı dünyaya gətirib: "Ailəsinin reaksiyasından qorxan yeniyetmə oğlundan yaxa qurtarmaq qərarına gəlib. O, körpəyə bir neçə bıçaq zərbəsi vurub, sonra uşağın cəsədini polietilen torbaya bükərək bayıra atıb".

Tural