MDB

İş adamını oğurlamaqda ittiham edilən qafqazlılar HƏBS EDİLDİLƏR

16 Oktyabr 2025 22:00

Sankt-Peterburqun Oktyabr rayon məhkəməsi adam oğurluğu, qarət və hədə-qorxu ilə pul tələb etmə ittihamları ilə Qafqaz mənşəli dörd nəfəri həbs edib.

Publika.az xəbər verir ki, bu barədə “Kommersant” nəşri məlumat yayıb.

Məhkəməyə verilmiş şəxslərin adları məlumdur: Turpal Əhmədxanov, Avtandil Mutoşvili, Ervand Nazaryan və Minkail Xamidov. Onlar özlərini təqsirli bilmədiklərini bildiriblər.

Polisin məlumatına görə, sentyabr ayında bu şəxslər zərərçəkmiş sahibkarla Vsevolojskdəki kafedə görüşərək onun qardaşının 2,4 milyon rubl borcunu ödəməsini tələb ediblər. Sahibkar imtina etdikdə, onu döyüblər və onun Mercedes C180 avtomobilini və sənədlərini oğurlayıblar. Hüquq-mühafizə orqanlarının həm icraçıları, həm də təşkilatçıları saxladığı güman edilir.

Hüseyn İbadlı