MDB

Rusiya Yer ilə Göy arasında qalıb: Putin Macarıstana necə uçsun ki, sağ qalsın?

17 Oktyabr 2025 16:34

Rusiya prezidenti Vladimir Putinin amerikalı həmkarı Donald Trampla görüşmək üçün Macarıstana səfəri ciddi risklər və mümkün fəsadlarla müşayiət oluna bilər.

Publika.az xəbər verir ki, bu barədə rusiyalı hərbi müxbir Aleksandr Kots məlumat verib.

Onun sözlərinə görə, əgər Putin Ukrayna üzərindən uçarsa, Rusiya liderinin təyyarəsinə birbaşa zərbə endirilməsi riski mövcuddur. Baltikyanı ölkələr və Almaniya üzərindən keçid zamanı isə bu ərazilərdə əvvəllər müşahidə olunan naməlum pilotsuz uçuş aparatlarının hücum ehtimalı var.

Kots təhlükəsiz marşrut kimi Qafqaz, İran, Türkiyə, Aralıq dənizi, Monteneqro və Serbiya üzərindən keçidi daha optimal hesab edib. O, bu səfəri “kəşfiyyat xidmətləri üçün bütövlükdə çətin vəzifə” adlandırıb və Böyük Britaniyanın “fitnə-fəsad törətmək üçün cəhd göstərə biləcəyi” ehtimalını da istisna etməyib.

Adəm