MDB

Rusiyada ən bahalı mənzil bu şəhərdə satılır: Görün neçəyədir

3 Noyabr 2025 16:18

Rusiyanın təkrar bazarında ən bahalı mənzil Moskvada təxminən 4 milyard rubla (84 milyon 104 min manat) satılıb.

Publika.az xəbər verir ki, TASS bu barədə ekspertlərə istinadən məlumat yayıb.

"Mən bildiyim ən bahalı penthausun (binanın ən yuxarı mərtəbəsində yerləşən lüks mənzil) qiyməti 50 milyon dollardır (85 milyon manat). Bu, Moskvanın mərkəzində, 974,7 kvadratmetrlik "Art Deko" üslubunda bəzəkli, mebel və kaminli lüks mənzildir", - deyə daşınmaz əmlak agentliyinin sahibi Qriqori Aşıxmin bildirib.

Bu arada, Sankt-Peterburqda təkrar bazarda ən bahalı yaşayış evi 2,2 milyard rubldan (46 milyon 257 min 200 manat) baha satılır. Beş otaqlı penthaus 317 kvadratmetrdən böyükdür və "ağıllı ev" sistemi ilə təchiz edilib. Təxminən 100 kvadratmetrlik mətbəx-yemək-yaşayış sahəsi, idman zalı, sauna və şəhərə panoramik mənzərəsi olan 240 kvadrat metrlik terrası var.

Adəm