MDB

Zaxarova Ukrayna dilində çağırış etdi: Qaçın, oğlanlar!

20 Noyabr 2025 16:15

Rusiyanın Xarici İşlər Nazirliyinin rəsmi nümayəndəsi Mariya Zaxarova çağırışa tabe olan ukraynalılara “qaçmağı” məsləhət görüb.

Publika.az xəbər verir ki, o, bu fikri TASS-a müsahibəsində səsləndirib.

Zaxarova bildirib ki, Ukraynada insanları səfərbərliyə ölkəni qorumaq üçün deyil, vətəndaşların məhv edilməsi üçün verilmiş sifarişi yerinə yetirmək məqsədilə cəlb edirlər.

“Ukraynada məcburi şəkildə səfərbər olunanlara artıq məsləhət vermişəm - həqiqətən də, qaçın, oğlanlar”, - deyə o, Ukrayna dilində bildirib.

Diplomatın sözlərinə görə, ukraynalılar başqalarının maraqları və siyasi oyunlarının girovuna çevriliblər. O, Ukrayna xalqının aldadıldığını, parçalandığını və heç kimə lazım olmayan qarşıdurmaya sürükləndiyini iddia edib.