MDB

Putindən Trampın yeni sülh planına REAKSİYA

22 Noyabr 2025 02:44

ABŞ Prezidenti Donald Trampın yeni sülh planı Ukraynada yekun razılaşma üçün əsas yarada bilər.

Publika.az xəbər verir ki, bunu Rusiya Prezidenti Vladimir Putin Rusiya Təhlükəsizlik Şurasının iclasında bildirib.

"Bizdə bu mətn var; biz onu ABŞ administrasiyası ilə mövcud ünsiyyət kanalları vasitəsilə aldıq. İnanıram ki, bu, həmçinin yekun sülh razılaşması üçün əsas yarada bilər", - deyə dövlət başçısı qeyd edib.

Putinin sözlərinə görə, Vaşinqton Ukrayna üçün sülh planını Moskva ilə birbaşa müzakirə etmir, çünki Kiyev buna qarşıdır.

O, Rusiyanın sülh yolu ilə həllə hazır olduğunu vurğulayıb.

21 noyabrda "Reuters" agentliyi bildirib ki, ABŞ münaqişənin sülh yolu ilə həlli ilə bağlı Ukraynaya təzyiqi artırır: Vaşinqtonun təklif etdiyi sülh planının rədd edilməsi kəşfiyyat məlumatlarının mübadiləsinin və silah təchizatının dayandırılmasına səbəb ola bilər.

Ləman