Lukaşenko Putini mümkün sui-qəsd təhlükəsi barədə necə xəbərdar edib?

Belarus Prezidenti Aleksandr Lukaşenko rusiyalı həmkarı Vladimir Putini mümkün sui-qəsd təhlükəsi barədə necə xəbərdar etdiyini danışıb.

Publika.az BELTA-ya istinadla xəbər verir ki, dövlət başçısı bu barədə jurnalistlərə Rusiya prezidentinin Novqorod vilayətində yerləşən iqamətgahına Ukraynaya məxsus pilotsuz uçuş aparatının son "hücum"u ilə bağlı danışarkən məlumat verib.

"Putinlə olan söhbətimizi xatırladım. Yadımda qaldığına görə, bu, Cənubi Afrikada keçiriləcək BRİCS sammitindən əvvəl idi. O, səfərə hazırlaşırdı. Soruşdum: “Hara gedirsən?” O cavab verdi: “Bilmirsən? BRİCS var”.

Dedim: “Sən doğrudan da ora uçmaq fikrindəsən?”

Bu, səmimi, qardaşcasına bir söhbət idi.

Böyük qardaşa deyirmiş kimi: “Ora getmək fikrindəsən?”

O dedi: “Xahiş ediblər, məni orada gözləyirlər”.

Mən dedim: “Nə danışırsan? Müharibə gedir”.

O isə cavab verdi: “Artıq o qədər də aqressiv deyillər, əvvəlki kimi deyil”.

Mən dedim: “Sən həqiqətən düşünürsən ki, orada hamı ağıllı başdadır? Getmək lazım deyil”.

"Sonra ora Lavrov uçdu. Ola bilsin, bu, mənim təzyiqimə görə deyildi, amma öz mövqeyimi ona bildirdim", - deyə Lukaşenko qeyd edib.

Hüseyn İbadlı