Ukrayna sülh üçün yeni şərt irəli sürdü: Bu şəhərə görə zəmanət tələb edir

Ukrayna münaqişənin həlli sazişinin bir hissəsi olaraq Odessa üçün təhlükəsizlik zəmanətləri almağı gözləyir.

Publika.az xəbər verir ki, bu barədə Əbu-Dabidəki danışıqlardan xəbərdar olan bir mənbə TASS-a bildirib.

Onun sözlərinə görə, Kiyev bu məqamı olduqca vacib hesab edir.

“Ukraynanın Rusiyanın Odessaya hücum etməyəcəyinə dair zəmanətə ehtiyacı var, yəni bu cür şeyləri təmin edən bir mexanizm olmalıdır”,- mənbə deyib.

Keçmiş Mərkəzi Kəşfiyyat İdarəsinin analitiki Larri Conson Ukraynanın bir neçə əsas şəhəri itirə biləcəyi bir ssenari proqnozlaşdırmışdı.

Onun sözlərinə görə, Rusiyanın Ukrayna üçün hər bir sonrakı razılaşma təklifi əvvəlkindən daha pis ola bilər, buna görə də tezliklə razılaşma əldə edilməlidir.

"Rusiya hələ də Ukraynaya normal bir ölkə olaraq qalmaq şansı vermək istəyir. Əgər onlar bu razılaşmanı indi qəbul etməsələr, növbəti təklif Odessanı və ehtimal ki, Kiyevi itirmək demək olacaq", - deyə ekspert qeyd edib.

Conson vurğulayıb ki, Kiyevin Qərb müttəfiqlərinin heç bir dəstəyi Ukraynanın məğlubiyyətinin qarşısını ala bilməz. O əlavə edib ki, əsas sual bu məğlubiyyətin necə olacağıdır.

Tural