İsveçli nazir Moskvada çaşdı: Lavrovla danışıqlar zamanı...

İsveçrənin xarici işlər naziri və Avropada Təhlükəsizlik və Əməkdaşlıq Təşkilatının (ATƏT) hazırkı sədri İqnazio Kassis Rusiya xarici işlər naziri Serqey Lavrovla görüşündən əvvəl danışıqlar masasında tərəfləri çaşdırıb.

Publika.az xəbər verir ki, bu barədə "RİA Novosti" agentliyi məlumat yayıb.

Qeyd olunur ki, zala daxil olduqdan sonra Kassis Rusiya nümayəndə heyətinə tərəf yönəlib. Daha sonra diplomata danışıqlar masasının əks tərəfində oturmaq məsləhət görülüb.

Qeyd edək ki, İqnazio Kassis və ATƏT-in baş katibi Feridun Sinirlioğlu Moskvaya fevralın 5-də gəliblər. Məlumata görə, səfər zamanı diplomatlar Ukraynadakı münaqişəyə son qoymaq səylərini və ATƏT-in sülhə nail olmaqdakı rolunu müzakirə etmək niyyətindədirlər.

Rusiya prezidentinin mətbuat katibi Dmitri Peskov qeyd edib ki, xarici işlər naziri Sergey Lavrov Moskvaya gələn ATƏT nümayəndə heyəti ilə danışıqlar aparacaq. Kreml sözçüsünün sözlərinə görə , Kassis, Sinirlioğlu və Rusiya lideri Vladimir Putin arasında heç bir təmas planlaşdırılmır.

Adəm