Putinin 2024-cü ildə açıqladığı plan reallaşır? - Hədəf postsovet məkanıdır

Rusiya xarici siyasətində postsovet məkanına üstünlük verir, MDB, AİB və KTMT ölkələri ilə birgə layihələr həyata keçirir.

Publika.az xəbər verir ki, bunu BRICS TV kanalına verdiyi müsahibədə Rusiya Xarici işlər naziri Sergey Lavrov bildirib.

"Biz hər bir tərəfdaş ölkə ilə prezidentlər və baş nazirlər arasında razılaşmalara əsaslanaraq ticarət, iqtisadiyyat, investisiya, elmi əməkdaşlıq və beynəlxalq səviyyədə - BMT-də və digər təşkilatlarda birgə fəaliyyət sahələrində konkret planlar hazırlayırıq.

Bu cür gündəlik işlər uzunmüddətli planlar əsasında qurulur və həm Rusiya Federasiyasına, həm də tərəfdaşlarına birbaşa qarşılıqlı fayda gətirir”, - Lavrov deyib.

Rusiya xarici işlər naziri bildirib ki, getdikcə daha çox ölkə Rusiya Prezidenti Vladimir Putin tərəfindən 2024-cü ildə irəli sürülən Avrasiya təhlükəsizlik arxitekturasının yaradılması təşəbbüsünə maraq göstərir.

Onun fikrincə, "qitənin bütün ölkələrinin iştirakı ilə təhlükəsizliyin təmin edilməsi ideyasının maddi əsasa, təmələ söykənməsi çox vacibdir".

"Mən həmin Böyük Avrasiya Tərəfdaşlığından danışıram... Onun formalaşması prosesi artıq gedir", - deyə Lavrov qeyd edib.

Xarici işlər naziri əmindir ki, regional və subregional inteqrasiya birlikləri arasında əlaqələr nə qədər güclü olarsa, ortaq təhlükəsizlik modelinin qurulması üçün təməl bir o qədər möhkəm olar.

Tural