Lukaşenko devrilməlidir: Rusiya Qərbin məxfi planını ələ keçirdi

Rusiyanın Xarici Kəşfiyyat Xidməti (XKX) Qərb ölkələrinin Belarusda yeni dövlət çevrilişi cəhdi hazırladığını bildirib.

Publika.az xəbər verir ki, agentliyin məlumatına görə, ABŞ və Avropadan olan məmurlar respublikada ictimai-siyasi vəziyyəti pozmaq və sonradan konstitusiya quruluşunu dəyişdirmək üçün qeyri-hökumət təşkilatları (QHT) şəbəkəsindən istifadə etmək niyyətindədirlər.

Bildirilir ki, Qərb kəşfiyyat orqanları növbəti "rəngli inqilab" ssenarisini həyata keçirmək üçün potensial liderləri işə götürməyə başlayıb.

Kəşfiyyat rəsmiləri Minskin hədəfə alınmasının birbaşa Rusiya-Ukrayna münaqişəsi ilə əlaqəli olduğuna əmindirlər. Rəqiblərin strateji məqsədi iki ölkənin inteqrasiyasını pozmaqdır.

Agentliyin bəyanatında deyilir: "Qərb Minsk və Moskva arasındakı İttifaq Dövləti daxilindəki əlaqəni zəiflətməyə və xüsusi əməliyyatın məqsədlərinə çatmağı çətinləşdirməyə ümid edir".

Açıqlanan məlumata görə, ABŞ, Böyük Britaniya, Almaniya və Polşadan olan strukturlar təxribatçı fəaliyyətlərin əlaqələndirilməsində iştirak edir. Onlar vəziyyəti sabitsizləşdirmək və mövcud hökuməti lazımi anda devirmək üçün maliyyə və təşkilati resurslar toplayırlar.

Tural