Putini əvəz edəcək adam axtarılır: Rusiya elitası qorxu içində

Rusiya elitası arasında Vladimir Putinə alternativ tapmaq üçün açıq bir tələb var.

Publika.az xəbər verir ki, bu iddianı iqtisadçı Aleksandra Prokopenko Almaniyanın "Frankfurter Allgemeine Zeitung" qəzetinə verdiyi müsahibdə irəli sürüb.

O, Ukraynanın işğalının bir dönüş nöqtəsi olduğunu bildirib: “Hakim elita əvvəllər Putini rasional, lakin qocalmış avtokrat kimi görürdüsə, indi bu qavrayış sarsılıb: çoxları onun getməsini istəyir.

Üstəlik, dəyişiklik tələbi təkcə müharibə əleyhdarları arasında deyil, həm də prezidenti cəbhədə "yumşaq" olmaqda günahlandıran hərbi bloqçular da daxil olmaqla, müharibə tərəfdarı dairələr arasında da nəzərə çarpır.

Bəzi məmurların qorxu ilə deyil, ümidlə qarşıladığı Yevgeni Priqojinin 2023-cü il üsyanı bu gözləntilərin simvoluna çevrildi”.

Ekspert bildirib ki, qorxudan iflic olan və müstəqillikdən məhrum olan elita "vəziyyəti kökündən dəyişdirə" biləcək xarici qüvvəni gözləyir”

“Qorxu sistemdə əsas amilə çevrilib: əvvəlki ləyaqət və sədaqət artıq təhlükəsizliyi təmin etmir”.

Prokopenkonun sözlərinə görə, Kreml təhrif olunmuş informasiya mühitində qapanıb: prezidentə bəzəkli bir obraz təqdim olunur, iqtisadiyyat isə durğunlaşır, neft gəlirləri azalır və ehtiyatlar tükənir.

Tural