Şahzadə Diananın ekstrasensi "OnlyFans"da görün nələr təklif edir... - FOTO

Şahzadə Diana, Uma Turman və Robert De Nironun şəxsi ekstrasensi kimi tanınan 74 yaşl Salli Morqan "OnlyFans" hesabı açıb.

Publika.az xəbər verir ki, bu barədə "Mash" "Telegram" kanalı məlumat yayıb.

Məlumata görə, Salli "OnlyFans"da iki növ xidmət təklif edir: ezoterik məsləhətlər və seks-terapiya. Birinci halda medi­um müraciəti “emal edəcəyini”, o biri dünya qüvvələri ilə əlaqə quracağını və nəticələrlə bağlı müştəriyə fərdiləşdirilmiş videomaterial təqdim edəcəyini vəd edir. Seks-terapiya çərçivəsində isə intim problemlərin həlli ilə bağlı tövsiyələr verəcəyini bildirib.

Ekstrasensin sözlərinə görə, o, "OnlyFans"a keçmək qərarını "Meta" və "TikTok" da daxil olmaqla populyar platformalarda ezoterik məzmunu tam şəkildə monetizasiya etməyin mümkün olmaması ilə əlaqələndirib. Qeyd olunub ki, Sallinin bu platformalarda ümumilikdə bir milyondan çox izləyicisi var.

Salli həmçinin etiraf edib ki, karyerasında yeni mərhələyə başlamaq qərarını 20 kiloqram çəki atdıqdan sonra verib.

Məlumata görə, o, hələ də əyani seanslar keçirir. Lakin əvvəllər ABŞ və Avropada qastrollarda olan medi­um indi fəaliyyətini Böyük Britaniya ilə məhdudlaşdırıb. O, "OnlyFans" vasitəsilə “itirilən gəliri kompensasiya edəcəyinə” ümid etdiyini bildirib.

Hüseyn İbadlı