Yaxın Şərq

Netanyahu: Silah paylamağa davam edəcəyik

30 Noyabr 2023 15:40

Netanyahu qərbi Qüdsdə 3 nəfərin öldüyü silahlı hücumla bağlı sosial media hesablarından açıqlama verib.

Publika.az xəbər verir ki, hücumun səbəbkarlarının “2 İsrail əsgəri və 1 mülki şəxs tərəfindən zərərsizləşdirildiyini” deyən Netanyahu “Mənim rəhbərlik etdiyim hökumət vətəndaşlara silah paylanmasını genişləndirməkdə davam edəcək” ifadələrini işlədib.

Qərbi Qüdsdə bu gün səhər saatlarında baş verən silahlı hücumda 3 israilli ölüb, 3 nəfər isə ağır yaralanıb.

İsraildə mülki əhalini və işğal altındakı İordan çayının qərb sahilində yəhudi məskunlaşanları silahlandırmaq kampaniyası ilə tanınan ifrat sağçı milli təhlükəsizlik naziri İtamar Ben-Qvir də Qərbi Qüdsdə 3 israillinin öldürüldüyü məqamda tənqidlərə baxmayaraq, israillilərə silah paylamağa davam edəcəklərini açıqlayıb.

Netanyahu hökuməti oktyabrın 7-dən sonra ölkədə mülki əhalinin silahlandırılması kampaniyasına başlamışdı.

Nəzrin