ŞOK İDDİA: "Mossad" "Hizbullahı" "ölüm düyməsi"ni başmağa belə VADAR EDİB

"Hizbullah" hərəkatının üzvlərinə hücum etmək üçün istifadə edilən peycerlər İsrailin "Mossad" kəşfiyyat agentliyi tərəfindən elə qurulub ki, düymələr hər iki əllə basılan zaman partlayış baş verib".

Publika.az xəbər verir ki, bu barədə Washington Post ABŞ, İsrail və Yaxın Şərqdəki mənbələrə istinadla (WP) yazır.

İddia olunur ki, İsrail kəşfiyyatı 2015-ci ildən "tələyə düşmüş" peycerlərin tətbiqi əməliyyatını həyata keçirir. Dizayna böyük batareya, gizlədilmiş partlayıcı və mesajların monitorinqi qurğusu daxil edilib. Qeyd olunur ki, İsrail kəşfiyyatının əvvəllər peycerləri partlatmaq imkanı olub, lakin sonda cihazları daha yığcam etmək qərarına gəlib.

Nəticədə “Hizbullah”a “Apollo” brendi ilə tədarük edilən peycerlər elə dizayn edilib ki, qurğu tamamilə sökülsə belə partlayıcı tapıla bilməz. Mənbələrin bildirdiyinə görə, örtük üçün Tayvanın Apollo markası lazım idi və şirkət özü də "Hizbullah"a onların adından təkliflər göndərildiyini bilmirdi.

Partlayıcı daha güclü idi və dizayn elə qurulmuşdu ki, təhlükəsiz mesajları oxumaq üçün peyceri iki əllə tutmaq lazım idi ki, partlayışdan sonra cihazın sahibi maksimum ziyan görsün.

Hüseyn İbadlı