Pezeşkian Putinlə görüşdə İsraillə bağlı görün hansı çağırışı etdi
Bizi izləyin
Kanon

Yaxın Şərq

Pezeşkian Putinlə görüşdə İsraillə bağlı görün hansı çağırışı etdi

İran prezidenti Məsud Pezeşkian Rusiya prezidenti Vladimir Putinlə Aşqabadda görüşü zamanı Rusiyanı İsrailin Livan və Qəzza zolağında dinc əhalinin kütləvi ölümünə səbəb olan hərəkətlərinə daha fəal müqavimət göstərməyə çağırıb.

Publika.az bu barədə xarici mətbuata istinadən xəbər verir.

“Biz regionun problemlərini müzakirə etdik, yəni Rusiyanın sionist rejimin Livan və Qəzza zolağında qadın və uşaqlara qarşı cinayətləri ilə bağlı daha fəal rol oynaması barədə”, - deyə İran prezidenti vurğulayıb.

Müvafiq olaraq, danışıqlar zamanı Pezeşkian qeyd edib ki, Avropa ölkələri və ABŞ Yaxın Şərqdə gərginliyin azaldılmasına mane olur və İsrail “heç bir beynəlxalq hüquqi və humanitar çərçivəni tanımadığından regionda vəziyyət həddindən artıq pisləşib".

Xatırladaq ki, Putinlə Pezeşkianın ilk görüşü Türkmənistanın paytaxtında “Zamanlar və sivilizasiyalararası münasibətlər sülhün və inkişafın əsasıdır” adlı beynəlxalq forum çərçivəsində baş tutub.

Adəm Abbaslı

Oxumağa davam et
Reklam
Reklam

Gündəm

Kanon