ABŞ və İsrailin görünməmiş əməliyyatı: Tarazlıq dəyişir, İran pat vəziyyətinə salınır

ABŞ Nümayəndələr Palatasında hər iki partiyanın qanunvericiləri tərəfindən təqdim edilən yeni qanun layihəsi Yaxın Şərqdəki tarazlığı dəyişdirə biləcək bir addım ola bilər.

Publika.az “Yedioth Ahronot” nəşrinə istinadən xəbər verir ki, təsdiqini gözləyən qanun layihəsinə görə, "ABŞ və İsrail arasında görünməmiş bir əməliyyat əməkdaşlığı təmin edəcək. Bu əməkdaşlıq təyyarələrin yerləşdirilməsi, avadanlıqların təmin edilməsi və personalın təhsilini əhatə edəcək".

İsrail mətbuatının yazdığına görə, bununla belə, İranın nüvə obyektlərini vuran B-2 təyyarələrinə İsrailin daimi sahibliyindən və ya birbaşa nəzarətindən söhbət gedə bilməz .

ABŞ heç vaxt B-2 bombardmançılarını xarici ölkəyə ötürməyib. 2024-cü ilə qədər ABŞ ordusunda 24 aktiv B-2 olub. Bu gizli bombardmançılardan yeddisi 37 saatlıq səfərdə İrandakı üç əsas nüvə obyektinə edilən hücumlarda istifadə edilib.

Demokrat Coş Kotteymer və Respublikaçı Mike Lavler tərəfindən təqdim edilən qanun layihəsi, Trampa İranın nüvə silahı istehsal edəcəyi təqdirdə İsrailin bütün ssenarilərə hazır olmasını təmin etmək üçün addımlar atmağa səlahiyyət verəcək. İsrail mətbuatı bunu “Yaxın Şərqdəki tarazlığı dəyişdirə biləcək hərəkət” kimi qələmə verir. Qanun layihəsinin qəbulu İsraildə “yüksək ehtimal” kimi qiymətləndirilir.

Tural