Yaxın Şərq

İsrail Livanda SEPAH-ın yüksək rütbəli komandirini MƏHV ETDİ

25 Dekabr 2025 21:00

İsrail Müdafiə Qüvvələri (IDF) Suriya və Livandan hücumlar planlaşdırmaqda iştirak etdiyi iddia edilən İran İnqilab Keşikçiləri Korpusunun (SEPAH) Qüds Qüvvələrinin yüksək rütbəli komandirini Livanda məhv edib.

Publika.az xəbər verir ki, bu barədə "Reuters" IDF-yə istinadla məlumat yayıb.

Hərbi mənbələr onu 840 saylı bölmənin əsas əməkdaşı kimi təqdim edib. Ölümü ilə bağlı əlavə təfərrüatlar açıqlanmayıb. İsrail Müdafiə Qüvvələri əlavə məlumat vermədən onun Ənsariyyə bölgəsində öldürüldüyünü açıqlayıb.

"Əl-Cəvhari İslam İnqilabı Keşikçiləri Korpusunun (SEPAH) komandanlığı altında fəaliyyət göstərirdi və İran tərəfindən İsrail Dövlətinə və onun təhlükəsizlik qüvvələrinə qarşı yönəldilən terror fəaliyyətlərində iştirak edirdi", - bəyanatda deyilir.

Hüseyn İbadlı