Yaxın Şərq

HƏMAS yeni lider seçəcək

28 Dekabr 2025 16:48

HƏMAS-ın yaxın günlərdə və ya bir neçə həftə ərzində yeni lider seçəcəyi bildirilir.

Publika.az xəbər verir ki, bu barədə Səudiyyə Ərəbistanının Aşarq nəşri təşkilata yaxın mənbələrə istinadən xəbər verib.

Mənbələrə görə, əsas iki namizəd – HƏMAS-ın keçmiş rəhbəri Xalid Məşəl və Qəzza Siyasi Bürosunun rəhbəri Xalil əl-Hayyadır. İran xəttinə yaxın sayılan Hayya İsrail ordusu tam geri çəkilənədək silahlı mübarizənin davam etdirilməsinin tərəfdarıdır. Qətərə yaxın göstərilən Məşəl isə diplomatik kompromis xəttini dəstəkləyir.

Məlumata əsasən, təşkilat daxilində daha geniş dəstəyə malik olduğu üçün Xalil əl-Hayyanın qalib gələcəyi ehtimal edilir. Seçkini təxminən 50 nəfərdən ibarət Ümumi Şura həyata keçirəcək.

Qeyd edək ki, HƏMAS lideri hər dörd ildən bir seçilir. 2021-ci ildə seçilən İsmayıl Haniyyə 2024-cü ildə öldürülüb, daha sonra Yahya Sinvar da zərərsizləşdirilib və təşkilata hazırda müvəqqəti şura rəhbərlik edir.