İsrail yenidən Qəzzaya hücum edə bilər - Tramp şərt qoyub

Ərazinin bir hissəsinə hələ də nəzarət edən HƏMAS mövqelərini möhkəmləndirdiyi və silahlarını tamamilə yerə qoymaqdan imtina etdiyi üçün İsrail Qəzza zolağında yeni hərbi əməliyyat başlada bilər.

Publika.az xəbər verir ki, bu barədə "The Wall Street Journal" mənbələrə istinadəla məlumt yayıb.

Qeyd edilib ki, HƏMAS nümayəndələri qalan ağır silahlardan imtina etməyə razıdırlar, lakin sayının 60.000 ədəd olduğu təxmin edilən kiçik silahları təhvil vermək niyyətində deyillər.

Hərəkat atəşkəsdən sonra maliyyə vəziyyətini də gücləndirib və üzvlərinə müntəzəm ödənişləri bərpa edə, yeni döyüşçülər cəlb edə və dağıdılmış infrastrukturunu bərpa edə bilib.

Mənbələrə görə, əgər HƏMAS könüllü olaraq silahlarını təslim etməsə, İsrail tərəfi hərəkatı buna məcbur edəcək.

Dekabrın 31-də ABŞ prezidenti Donald Trampın İsrailin Baş naziri Binyamin Netanyahu ilə görüş zamanı əldə edilən razılaşmanı yerinə yetirməsə və tərksilah etməyə başlamasa, İsrail Müdafiə Qüvvələrinin Fələstin HƏMAS hərəkatına yenidən hücum etməsinə icazə verəcəyinə söz verdiyi bildirilib.

Hüseyn İbadlı