Suriya ordusu Hələbdəki sonuncu kürd yaşayış məntəqəsini ƏLƏ KEÇİRDİ - VİDEO

Suriya Müdafiə Qüvvələri Hələbdəki son kürd yaşayış məntəqəsi olan Şeyx Maqsud kəndini nəzarətə götürüb.

Publika.az xəbər verir ki, bu barədə "Ostorojno Novosti" "Telegram" kanalı məlumat yayıb.

Bildirilib ki, Suriya qoşunları iki günlük müdafiədən sonra 10 yanvar axşamı əraziyə daxil olub. Hazırda mülki şəxslər qəsəbəni kütləvi şəkildə tərk edirlər. Bundan əlavə, döyüşçülər yerli həbsxanadan məhbusları azad ediblər ki, onların da xeyli hissəsi suriyalı əsirlərdir.

Şeyx Məqsud 2012-ci ildən bəri Hələbdə kürdlərin nəzarəti altında idi. Suriyada rejim dəyişikliyi zamanı belə, kürdlər əraziyə nəzarəti saxlaya bildilər. Lakin sentyabr ayında Suriya ordusu onu mühasirəyə almaq üçün əməliyyata başladı. Silahlı toqquşmalar zamanı onlarla mülki şəxsin itkisi qeydə alınıb.

Suriya ordusunun Əməliyyatlar İdarəsi yerli vaxtla saat 15:00-dan etibarən Kürd Suriya Demokratik Qüvvələrinin (SDF) qalan döyüşçülərinin tərksilah ediləcəyini və Rakka əyalətindəki Ət-Tabqa şəhərinə aparılacağını bildirib.

Hüseyn İbadlı