Məhəmməd Radd da öldürüldü

Livan şiə “Hizbullah”ının parlament fraksiyasının rəhbəri Məhəmməd Raad İsrailin Beyruta endirdiyi zərbə nəticəsində həlak olub.

Publika.az xəbər verir ki, bu barədə "Əl-Hədəs" telekanalı məlumat yayıb. Zərbə İsrail Müdafiə Qüvvələri (İMQ) tərəfindən 2 mart 2026-cı il gecəsi həyata keçirilib. İMQ-nin rəsmi açıqlamasında hücumların İranın Ali Lideri Əli Xameneinin öldürülməsinə qisas olaraq “Hizbullah”ın İsrailin şimalına raket atmasına cavab olaraq həyata keçirildiyi bildirilib.

Məhəmməd Raad Livan şiə hərəkatı “Hizbullah”ın aparıcı siyasətçisidir və 1992-ci ildən bəri Livan Parlamentində (Nabatieh rayonunu təmsil edən) yeganə nümayəndəsidir. O, həmçinin hərəkatın icra komitəsində çalışıb. Hərəkatın "ideoloqlarından" biri hesab olunur və əvvəllər siyasi şuraya rəhbərlik edib.

Raad 2000-ci ildən bəri “Hizbullah”ın siyasi qanadı olan "Müqavimətə Sədaqət" parlament blokuna rəhbərlik edir.

2013-cü ildə o, Həsən Nəsrullahın baş katib vəzifəsində mümkün varisi hesab olunurdu. 2019-cu ildə ABŞ Raada terrorizmə qarşı sanksiyalar tətbiq etdi. 2021-ci ildə o, Rusiyanın xarici işlər naziri Sergey Lavrovla görüşdü və Moskvada “Hizbullah” ofisinin açıldığını elan etdi.

Tural