Yaxın Şərq

İran Əbu-Dabidə ABŞ hərbi qərargahına hücum etdi

5 Mart 2026 22:12

İran, Əbu-Dabi beynəlxalq hava limanının yaxınlığında yerləşən Amerika hərbçilərinin qərargahına zərbə endirib.

Publika.az xəbər verir ki, bu barədə İranın "IRIB" dövlət teleradio şirkəti məlumat yayıb.

Məlumatda bildirilir ki, Əbu-Dabi Zayed hava limanındakı Amerika hərbçilərinin qərargahı dəfələrlə hücuma məruz qalıb. Bundan əvvəl "Reuters" agentliyi də Əbu-Dabidə yenidən partlayış səslərinin eşidildiyi barədə xəbər vermişdi.

Martın 5-də günorta saatlarında "IRIB" bildirib ki, İran Yaxın Şərqdə ABŞ-ın bir neçə onlarla hərbi hədəfinə zərbələr endirib. Jurnalistlərin məlumatına görə, "Doğru Vəd 4" əməliyyatının 18-ci dalğası zamanı Bəhreyn, BƏƏ və Küveyt kimi ölkələrdə 20 hərbi hədəf vurulub.

Hüseyn İbadlı