Tehran atəşkəsdən imtina etdi: Axıra qədər gedəcəyik

İran Xarici İşlər Nazirliyinin sözçüsü İsmayıl Bəqayi bildirib ki, Tehran ABŞ və İsraillə atəşkəs barədə razılığa gəlmək niyyətində deyil, çünki hərbi əməliyyatlarda hər hansı bir fasiləni yeni bir hücuma hazırlıq kimi görür.

Publika.az xəbər verir ki, Bəqayi əlavə edib ki, son ayların təcrübəsi göstərir ki, düşmən atəşkəsdən yalnız sursatı bərpa etmək və ehtiyat toplamaq üçün istifadə edir.

Diplomat brifinqdə vurğulayıb ki, bu müharibəni biz başlatmamışıq.

Bəqayi xatırladıb ki, Tehranın diplomatik danışıqlarda ciddi və vicdanlı iştirakına baxmayaraq, İran xalqı doqquz ayda iki dəfə hücuma məruz qalıb. Xarici İşlər Nazirliyinin sözçüsü qeyd edib ki, bu vəziyyət ölkə vətəndaşları üçün qəbuledilməzdir və onlar "iki düşmən rejimin" vədlərinə etibar edə bilməzlər. O, Vaşinqton və Təl-Əvivin hərəkətlərinin dövri xarakterinə diqqət çəkib. Onlar logistika və ya təhlükəsizlik problemləri ilə qarşılaşdıqda atəşkəs təklif edirlər, lakin sonradan hücumlar bərpa olunur.

Tural