İsrail ordusunda nəzarət böhranı: Ehtiyat qüvvələr əmrə məhəl qoymur

İsrail ordusunun Qərb Sahilində fəaliyyət göstərən regional müdafiə bölmələrində ciddi nəzarət problemi yaşandığı bildirilir.

Publika.az xəbər verir ki, “Haaretz”in məlumatına görə, bu bölmələrdə xidmət edən bəzi ehtiyat hərbçilər ordunun əmrlərinə tabe olmadan, müstəqil qüvvə kimi hərəkət edir.

Qəzetə danışan İsrail hərbçiləri bəzi ehtiyat qüvvələrin həm fələstinlilərə qarşı zorakılıq törətdiyini, həm də onlara nəzarət etməyə çalışan İsrail əsgərlərini təhdid etdiyini bildiriblər.

Məlumata görə, 2023-cü il oktyabrından sonra Qərb Sahilindəki yaşayış məntəqələrində və fələstinli kəndlərinin yaxınlığında xidmət üçün regional müdafiə bölmələrinə təxminən 5 500 israilli cəlb edilib.

İsrail əsgərlərindən biri vəziyyəti belə ifadə edib: “Bütün gün bir hadisədən digərinə köçkün israillilərin arxasınca qaçırıq və onlar bizə heç əhəmiyyət vermirlər”.

“Haaretz”in məlumatına görə, bu bölmələrin bəzi üzvlərinin fələstinlilərə qarşı zorakılıq, təhdid və mülklərə zərər vurma hallarına qarışdığı sənədləşdirilib.

Akqabay