Vaşinqton şokda: İran ABŞ kəşfiyyatına tarixdə görünməmiş zərər vurdu

ABŞ-ın Yaxın Şərqdəki kəşfiyyat və müşahidə sistemləri İranın raket və pilotsuz uçuş aparatlarının hücumları nəticəsində tarixində görünməmiş zərər görüb.

Publika.az xəbər verir ki, bu barədə “NBC News” telekanalı ABŞ kəşfiyyatındakı mənbələrə istinadən məlumat yayıb.

İranın həyata keçirdiyi raket və PUA hücumları ABŞ-ın Yaxın Şərqdə yerləşən kəşfiyyat obyektlərinə və müşahidə sistemlərinə ciddi ziyan vurub. Mənbələrə əsasən, dağıntıların miqyası ABŞ xüsusi xidmətlərinin tarixində qeydə alınan ən böyük itkilərdən biridir.

Bildirilir ki, zədələnmiş infrastrukturun bərpası milyardlarla dollara başa gələ bilər.

Qeyd edək ki, daha əvvəl ABŞ müdafiə nazirinin keçmiş müavini Elayn MakKasker İranla müharibənin ilk üç həftəsində ABŞ Silahlı Qüvvələrinin zərərinin 2,9 milyard dollara qədər olduğunu açıqlamışdı. Bu hesablamaya Qətərdə yerləşən ABŞ hərbi bazasındakı radarın zədələnməsi də daxil edilib.

Bununla yanaşı, ABŞ və İran arasında münaqişənin sona çatdırılması ilə bağlı danışıqların aparıldığı bildirilir. Tərəflərin atəşkəs rejiminə keçməsi ehtimalı gündəmdə olsa da, İran rəsmiləri Vaşinqtonun irəli sürdüyü şərtləri qəbul etmədiklərini bəyan edirlər.

Akqabay