İsrail hökumətində qarşıdurma: Netanyahu ilə onun arasında savaş gedir
Bizi izləyin

Yaxın Şərq

İsrail hökumətində qarşıdurma: Netanyahu ilə onun arasında savaş gedir

İsrail hökumətində qarşıdurma: Netanyahu ilə onun arasında savaş gedir

İsrailin baş naziri Benyamin Netanyahu ilə ifrat sağçı Milli Təhlükəsizlik naziri İtamar Ben-Qvir arasında seçkilərdə birgə siyahı ilə iştirak məsələsində ciddi fikir ayrılığı yaranıb.

Publika.az xəbər verir ki, Netanyahu Ben-Qviri və Dini Sionizm Partiyasının lideri Bezalel Smotriçi seçkilərə vahid siyahı ilə qatılmağa çağırıb.

Netanyahu bildirib ki, sağ qüvvələr birləşdikdə qalib gəlir, parçalandıqda isə seçkiləri uduzur. O, 1992-ci il seçkilərini nümunə göstərərək eyni ssenarinin təkrarlana biləcəyini deyib.

Ben-Qvir isə Netanyahuya cavabında baş naziri partiyasını zəiflətməyə və İsrael Eyzenkotla “milli birlik hökuməti” qurmağa çalışmaqda ittiham edib. O, Smotriçlə birləşməyin sağ blok üçün 3-4 mandat itkisinə səbəb ola biləcəyini bildirib.

Netanyahu isə Ben-Qvirin ittihamlarını rədd edərək, Smotriçlə ittifaqın sağ düşərgəni gücləndirəcəyini vurğulayıb. O, Ben-Qviri şəxsi ambisiyaları naminə ölkəni riskə atmaqda ittiham edib.

Publika.az

Oxumağa davam et
Reklam
Reklam

Gündəm

Zəfaran Hospital
Səba