İran Omanla yekun razılığa gəldi - Körfəz ölkələri toplanır

İran və Oman Hörmüz boğazındakı gəmiçilik marşrutu üzrə yekun razılaşmaya nail olmağa müvəffəq olublar.

Publika.az xəbər verir ki, bu barədə “Tasnim” agentliyi məlumatlı mənbəyə istinad yazır.

Bildirilir ki, Tehran və Maskat arasında əldə olunmuş razılaşma tezliklə Fars körfəzi dövlətlərinin XİN başçılarının iştirakı ilə ictimaiyyətə açıqlanacaq.

“Bu saziş müstəsna olaraq İran və Omana aiddir. Digər ölkələrin nümayəndələri görüşdə yalnız marşrutun təfərrüatları və tranzit şərtləri ilə tanış olmaq üçün iştirak edəcəklər ki, bununla da beynəlxalq ictimaiyyətə həmin plana etiraz etmədiklərini üstüörtülü şəkildə nümayiş etdirəcəklər”, - deyə mənbə dəqiqləşdirib.

Sentyabrın 6-da İran Ali Milli Təhlükəsizlik Şurasının katibi, general-mayor Möhsün Rezai həmin marşrutun gəmiçilik üçün tamamilə bağlandığını bəyan edib.

Onun sözlərinə görə, İran hərbçiləri Hörmüz boğazından keçməyə cəhd edən kontrabanda neft daşıyan Amerika gəmilərini atəşə tutur, lakin regionun ekologiyasına zərər vurmaq istəmədikləri üçün onları batırmırlar.

Hüseyn İbadlı