İran məxfi məlumat əldə edib: ABŞ bir neçə ölkə ilə birləşib hücum edəcək

İranın hərbi komandanlığı ABŞ-ın bir neçə regional ölkənin dəstəyi ilə İslam Respublikasına qarşı hərbi əməliyyatları bərpa etməyə hazırlaşdığı barədə məlumata malik olduğunu açıqlayıb.

Publika.az xəbər verir ki, bu barədə İranın dövlət mediası məlumat yayıb.

Qeyd olunur ki, ABŞ-ın istənilən hücumu bölgədəki Amerika bazalarına və obyektlərinə qarşı bir sıra cavab zərbələri ilə nəticələnəcək. Komandanlıq həmçinin xəbərdarlıq edir ki, İrana qarşı Amerika təcavüzünü dəstəkləyən bölgə ölkələri münaqişə tərəfləri hesab ediləcək.

İran hərbi komandanlığı Hörmüz boğazının bağlı qaldığını və ABŞ prezidenti Donald Tramp müharibənin dayandırılması, İran aktivlərinin azad edilməsi və dəniz blokadasının qaldırılması da daxil olmaqla, onların şərtlərini qəbul edənə qədər danışıqlar aparmayacağını vurğulayır.

Tramp bazar günü “Fox News”a verdiyi açıqlamada İranla bağlı nə edəcəyini düşündüyünü və tezliklə əhəmiyyətli hadisələrin baş verəcəyinə inandığını bildirib.

Müəllif: Tural