Nəqliyyat

Metroda NASAZLIQ: Qatarların hərəkəti ləngidi

31 Yanvar 2018 08:15

Bu gün metroda qatarların hərəkətində yaranan nasazlıq səbəbindən sıxlıq yaranıb.

Metropoliten QSC-nin mətbuat xidməti Nəsimi Paşayevin Publika.az-a verdiyi məlumata görə, metronun 13 saylı marşrut üzrə hərəkət edən qatarının hərəkətində nasazlıq yaranıb:

"Səhər saatlarında qatarlardan birində texniki nasazlıq yaranıb. "Bakmil"dən "Nəriman Nərimanov" istiqamətinə hərəkət edən qatar yenidən depoya geri qaytarılıb. Yerinə həmin xətt üzrə hərəkət edən başqa qatar buraxılıb. Qatarlararası interval artırılıb. Səhər saatlarında metrodan istifadə edən sərnişinlərin sayı çox olduğundan, pik saat hesab edilir. Stansiyalarda sərnişin sıxlığı yaranıb. Hazırda intervalın bərpa edilməsinə çalışırıq".

Son məlumata görə, artıq qatarların hərəkətində sıxlıq aradan qaldırılıb.

Könül Cəfərli