Nida.az
Türk diplomatları əsir alan İŞİD-in azərbaycanlı komandiri kimdir? - Şok Detallar
İraqın Mosul şəhərində İŞİD tərəfindən əsir alınaraq 101 gün əsirlikdə qalan Türkiyə baş konsulluğunun 49 əməkdaşından biri, Qaziantepdən olan xüsusi xidmət polisi Veysəl Can əsirlikdə yaşadıqlarından danışıb.
Publika.az türk mediasına istinadən xəbər verir ki, V. Can bildirib
ki, onların olduğu yerdə İŞİD komandirlərindən biri öldürülmüşdü:
“İŞİD də çağırışlar olan vərəqlər dağıdır, səsli anonslar edirdi
ki, insanlar şəhəri tərk etsin və öldürülmüş komandirin intiqamını
qanlı şəkildə alacaqlar. Sonra basqın günü qapıya gəldilər.
İŞİD-çilərin içində bir türkman qapını açmağımızı istədi. Biz də
bunun mümkün olmadığını dedik. Son təxminimə görə içində 500
kilodan artıq partlayıcı olan 3 avtobusu bizim qapıların önünə
sürdülər. Qapını partladacaqdılar. Çoxu silahlı idi, evlərin
damında qumbaraatanlar da vardı. Sonda baş konsulumuz o vaxt xarici
işlər naziri olan Əhməd Davudoğluna zəng etdi. Onun verdiyi
təlimata uyğun olaraq döyüşmədik və təslim olduq”.
V. Can qeyd edib ki, təslim olandan sonra Azərbaycan vətəndaşı olan İŞİD komandirlərindən biri onların yanına gəlib və “Sizi Türkiyəyə indi göndərməyəcəyik, əvvəlcə Türkiyə ilə bəzi məsələlərdə razılaşmağımız lazımdır” deyib.
“Əsirlikdə qaldığımız müddətdə 8 fərqli yerdə saxlandıq. Bəzi
nöqtələrdə hava bombardmanlarına məruz qaldıq. Belə hücumların
birində Ərdoğanın “üzüldüm” dediyi Fırtına adlı mina axtaran it
tələf oldu. Bizim üstümüzü axtardıqdan sonra bir evə apardılar.
Burada 8-10 gün qaldıq. Daha sonra “sizi daha etibarlı bir yerə
aparacağıq” dedilər. Bizi maşınlara mindirib tətil kəndi dedikləri
bir yerə apardılar. Ora uzun koridorları olan bir bina idi. Sonra
10 dəqiqə arayla ora iki bomba düşdü. Pəncələr qırıldı,
yoldaşlarımızın biri ayağından yaralandı, digərinin qulaq pərdələri
batdı. İt də bu hücumda yaralandı, həmin gün bir şey olmasa da
sabah tələf oldu.
Dostlarım itin sinəsində iti bir kəsik yarası olduğunu deyirdilər. İŞİD iti maşına qoyub harasa atdı. Sonra oradan çıxdıq, bizi geniş olan bir yerə apardılar. Orda şərait daha yaxşı idi. Azad olunmağımızdan öncə İŞİD komandirləri yanımıza gələrək “sizi sabah Türkiyəyə göndərəcəyik” dedilər, amma biz bunlara inanmırdıq. Çünki əvvəl də belə demişdilər.
Dedikləri kimi sabah bizi buraxmadılar. Azad olunduğumuz gün yanımıza gəlib hazırlanmağımızı dedilər. Biz hazırlanaraq avtobusa mindik. Yenə başqa bir yerə köçürülürük deyə düşünürdük. Sonra yanımıza onların Mosul valisi dedikləri bir nəfər gəldi. Razılaşdıqlarını və bizi Türkiyəyə göndərəcəklərini dedi. Biz yenə inanmamışdıq. Avtobusla Suriyadan keçərək Rakkaya, sonra Telabyada gəldik. Biz orda qalacağımızı düşünürdük. Sonra Akçakala sərhədinə gələndə Türkiyəyə gəldiyimizə inandıq”, -deyə o vurğulayıb.
Bizi MİT azad etməyib
V. Can bildirib ki, onların azad olunmasından MİT-in xəbəri yox
imiş. Onun sözlərinə görə, MİT-ə xəbər verilmədiyi üçün sərhəddə 4
saat gözləyiblər: “4 saatdan sonra Türkiyə rəsmiləri gəldi. Bizi
təhvil aldılar. Sərhədi keçərkən bəzi yoldaşlarımız Türk bayrağını
görüncə ağlamağa başladı. Bizi MİT-in bölgə ofisinə gətirdilər.
Burda ailələrimizlə ilk dəfə telefonla danışa bildik”.
Azad olunan türk diplomatlarının Azərbaycan üçün diqqət çəkən
məqamı onları əsir alan İŞİD komandirinin azərbaycanlı olmasıdır.
İŞİD tərkibində azərbaycanlıların döyüşdüyü, hətta bəzilərinin
komandirlər sırasında təmsil olunduğu bəllidir. Lakin diplomatları
əsir alan azərbaycanlı komandirin kimliyi dəqiq deyil. Belə ki,
Suriyadan fərqli olaraq İŞİD-in İraq qolunda azərbaycanlılar ayrıca
əmirlikdə deyil, Qafqaz əmirliyində birləşirlər.
Asif Nərimanlı
-
Nida Xəbər 15:58
Fransa daxili işlər nazirinin bu iddiaları əsassızdır - XİN
-
Nida Xəbər 14:40
Almatı danışıqlarının arxasında hansı ölkə var? - Ermənilər qorxuya düşüb
-
Magazin214:05
Məşhur aparıcı tanınmaz halda - VİDEO
-
Sosial13:25
Bakıda ucuz avtomobillər satışa çıxarılır - Siyahı
-
Avropa12:45
Bu ölkə 7 saatlıq iş gününə keçir
-
Cənubi Qafqaz11:25
Ermənistan parlamenti Azərbaycan əleyhinə sənəddən imtina etdi - VİDEO
-
Nida Xəbər 11:10
Bu xanıma yüksək vəzifə verildi - FOTO
-
Nida Xəbər 10:50
Qazaxla sərhəd kəndin sakinləri şoka düşüblər: Paşinyanla görüşdə onlara nə deyiblər?