Paşinyan Tavuşda nə etdiyini izah etmək üçün əvvəlcə stolun üzərinə su tökdü, sonra... - VİDEO

Ermənistanın baş naziri Nikol Paşinyan dövlətlə bağlı bugünkü söhbətini hüquq, yurisdiksiya, suverenlik və ərazi bütövlüyü mövzusuna həsr edib.

Publika.az xəbər verir ki, Paşinyan Tavuş bölgəsində aparılan demarkasiya prosesini izah etmək üçün qeyri-adi üsuldan istifadə edib. Paşinyan nədən danışdığını daha aydın göstərmək üçün su ilə doldurulmuş sınaq borusunu götürüb, stəkana su töküb və qeyd edib: “Təsəvvür edin ki, boruda hüquq və öhdəliklər var. Əgər onlar konkret formada yerləşdirilirsə, o zaman tətbiq oluna bilər və həyat qabiliyyətlidir və biz onlardan həyatda ehtiyaclarımızı ödəmək üçün istifadə edə bilərik”.

Bundan sonra baş nazir hüquq və vəzifələrin “istifadəsini” göstərərək bir qurtum su içib.

Sonra hökumət başçısı hüquq və öhdəliklər formada əks olunmasa, nələrin baş verəcəyini təsəvvür etməyi təklif edib və sınaq borusundan stolun üstünə su töküb. Masadan su Paşinyanın paltarına tökülüb və o deyib: “Onlar yararsız olur, çirklənir, problemlər və diskomfort hissi yaradır. Bizim Tavuş bölgəsində, demarkasiya və delimitasiya prosesində, sülh gündəmində gördüyümüz işin məqsədi məhz budur. Onun çərçivəsində vətəndaşların hüquq və vəzifələrinin dairəsi əhəmiyyətli dərəcədə genişlənəcək”.

Tural