Nida Təhlil
İlham Əliyev təyyarədə mənə dedi ki... - Saakaşvili

Ukraynanın "1+1" telekanalında "Hakimiyyət hüququ" siyasi tok-şousunun iştirakçısı olan Ukrayna Milli İslahatlar Şurasının İcraiyyə Komitəsinin rəhbəri, Gürcüstanın eks-prezidenti Mixail Saakaşvili Azərbaycan Prezidenti İlham Əliyevlə təyyarədə baş tutan söhbətini xatırladıb.
Gürcüstanın keçmiş prezidenti, indi Ukrayna siyasətində olan Saakaşvili deyir:
“Mən İlhamla (İlham Əliyev - red.) onun təyyarəsində Strasburqdan uçdum. Avropa Şurasında birgə çıxış etmişdik. Təyyarə Qara dəniz sahili üzərində uçdu. Mən ondan Abxaziyaya heç olmasa yuxarıdan baxmaq üçün təyyarənin Abxaziya üzərindən endirilməsini xahiş etdim. Abxaziya üçün darıxmışdım, ailəm oradandır. Və o dedi: “Bilirsən, Mişa, həm bizim, həm də sizin üçün bir neçə illik sual. Biz sadəcə gecə-gündüz bu haqda düşünməliyik. Bunu heç vaxt unutmamalı və hazırlaşmalı, hər gün hazırlaşmalıyıq...”
Söhbət təbii ki, Qarabağ və Abxaziyadan gedir. Saakaşvilidən fərqli olaraq, Əliyev, Gürcüstandan fərqli olaraq, Azərbaycan nəticə əldə etdi, qazandı. Ona görə yox ki, Abxaziya məsələsində tərəf Rusiya, Qarabağ məsələsində tərəf Ermənistandır (Rusiya hər iki məsələdə, MDB-dəki bütün münaqişələrdə tərəfdir), ona görə ki, Saakaşvili Qərbə inandı, ona görə ki, Əliyev daha ağıllı idi və Qərbin bəyanatlardan başqa heç nə verməyəcəyini bilirdi, Gürcüstanın beş günlük müharibəsi, Ukraynanın yaşadıqları bunun ən bariz nümunəsidir.
Əliyev nə etdi?
- Qarabağ münaqişəsini onu yaradanın – Rusiyanın əli ilə həll etdi, hətta bu gün ermənilərin yaşadığı ərazilərlə bağlı məsələ açıq qalsa belə, münaqişənin bitdiyi məsələsində Moskva Bakı ilə razılaşır;
- Türkiyəni bölgəyə gətirməklə Rusiyanın qarşısında alternativ yaratdı;
- Və Şuşa Bəyannaməsinə imza atmaqla bölgədəki bütün oyunçuları “ofsayta” saldı;
Əliyevin təyyarədə Saakaşviliyə dedikləri çox şeyi ifadə edir.
Asif Nərimanlı
-
Avropa01:30
Futbol meydançası boyda "ölkə"də nələr baş verir? - VİDEO
-
Qoroskop00:00
Günün ULDUZ FALI - Həmin təklif sizi düşündürə bilər
-
Magazin116 Oktyabr 22:24
“Rəşad buna görə xərçəngə tutuldu”
-
MDB16 Oktyabr 22:00
İş adamını oğurlamaqda ittiham edilən qafqazlılar HƏBS EDİLDİLƏR
-
Nida Xəbər 16 Oktyabr 21:48
MN-dən Haqverdiyevin həbsi ilə bağlı AÇIQLAMA
-
Magazin216 Oktyabr 21:16
Əfsanəvi aktrisa təcili xəstəxanaya yerləşdirildi: həkimlər narahatdır - FOTO
-
ABŞ16 Oktyabr 19:50
Məşhur bloger BANK AÇIR
-
Sosial16 Oktyabr 19:20
Mayor İlham Haqverdiyev HƏBS EDİLDİ - YENİLƏNDİ