Nida Təhlil
Azərbaycan və Hindistan yeni mərhələdə: Milyonlarla investisiya, neft və turizm imkanları
Azərbaycan Prezidenti İlham Əliyevin Hindistanın xarici işlər naziri Subrahmanyam Cayşankarı qəbul etməsi iki ölkə arasındakı münasibətlərdə yeni mərhələnin başlanmasına gətirib çıxaracaq.
Bunu millət vəkili Vüqar Bayramov Publika.az-a açıqlamasında bildirdi.
Deputat qeyd etdi ki, Hindistan şirkətlərinin Azərbaycan iqtisadiyyatına marağı var və bu görüşdən sonra bu marağın daha da artacağı gözlənilir.
“Sonuncu beynəlxalq investisiya forumunda Hindistan şirkəti 125 milyon dollarlıq investisiya qoyuluşunu həyata keçirməklə bağlı razılığını bildirdi. Bu, əslində, Hindistan şirkətlərinin Azərbaycan iqtisadiyyatına marağının olduğunu göstərir və sözsüz ki, bugünkü görüşdən sonra da bu marağın artacağı gözlənilir”, - deyə Vüqar Bayramov bildirdi.
Millət vəkilinin sözlərinə görə, Azərbaycan və Hindistan arasında neft-qaz, nəqliyyat və iqtisadiyyatın müxtəlif sektorlarında əməkdaşlıq imkanları mövcuddur. O qeyd etdi ki, Hindistan rəqəmsal texnologiyalar və əczaçılıq sahələrində üstünlüyə malik ölkələrdəndir.

Deputat vurğuladı ki, rəqəmsal texnologiyaların inkişafı və süni intellektin istifadə dairəsinin genişlənməsi Hindistanın qlobal bazardakı mövqelərinə təsir göstərir. Hindistanın bu istiqamətdə qlobal bazar payı artmaqdadır. Azərbaycanda da rəqəmsal inkişaf iqtisadi siyasətin əsas istiqamətlərindən biridir.
“Bu kontekstdə Azərbaycan-Hindistan arasında sənayenin müxtəlif sektorları, yəni neft-qaz, nəqliyyat-logistika, eləcə də texnologiya sahəsində əməkdaşlıq imkanları yüksək görünür”, - deyə millət vəkili qeyd etdi.
Vüqar Bayramov turizm sahəsindəki əlaqələrə də diqqət çəkdi. O bildirdi ki, uzun müddət, xüsusən də son illərdə Hindistandan Azərbaycana gələn turistlərin sayı artıb. Lakin son iki ildə bu sahədə azalmalar müşahidə olunur.
“Gözlənilir ki, bugünkü görüşdən sonra Hindistandan Azərbaycana gələn turistlərin sayında da artımlar müşahidə olunacaq. Gəlmə turizmi baxımından Hindistan Azərbaycan üçün vacib tərəfdaşlardan birinə çevrilə bilər. Ona görə də turizm sahəsində, xidmət sektorunda əməkdaşlıq imkanları genişdir”, - deyə deputat bildirdi.
Millət vəkili əlavə etdi ki, növbəti mərhələdə iki ölkə arasındakı münasibətlərin yenidən inkişafını və dərinləşməsini müşahidə etmək mümkün olacaq.
Müəllif: Adəm Abbaslı
-
Qoroskop00:45Günün ulduz falı: Axşam saatlarında xoş sürpriz gözlənilir
-
Dünya20 Noyabr 22:18Tramp və Si Cinpindən süni intellektlə bağlı ortaq qərar
-
Səhiyyə20 Noyabr 20:48Dərmanlar da icbari tibbi sığortaya daxil edilir - Kimlər faydalanacaq?
-
Kriminal20 Noyabr 20:00Qətlə yetirilən Gülarənin atası danışdı: Ailədə nələr yaşanıb? - Video
-
Kriminal20 Noyabr 19:10DTX-dən terror qruplaşmasının üzvlərinə qarşı əməliyyat: İki nəfər saxlanıldı - Foto
-
Nida Xəbər 20 Noyabr 15:28Mehriban Əliyeva Vyetnamın vitse-prezidenti ilə görüşdü - FOTOLAR
-
Sosial20 Noyabr 14:54Sabiq deputatın əmlakları milyonlarla manata satışa çıxarılır
-
İdman20 Noyabr 14:06Cazibədar basketbolçu soyundu: Ceyms Bondun sevgilisi olmaq istəyir - FOTO












.jpg)


.jpg)



















.png)

