Nida Xəbər
Təmas xəttində olan vitse-spikerdən son vəziyyətlə bağlı AÇIQLAMA
Təmas xəttinə yaxın ərazilərdə yaşayan insanlar cəbhədə baş vermiş son hadisələri Ermənistanın Azərbaycan ərazisində olan təcavüzkar qoşunlarının təxribatçı hərəkətləri kimi qəbul edirlər.
Bunu Trend-ə Milli Məclisin vitse-spikeri Bahar Muradova deyib.
Bu gün Cəbrayıl rayonunun Cocuq Mərcanlı, Füzulinin Qazaxlar kəndində olduğunu və bir neçə ərazi nümayəndəliyində seçicilərlə görüşdüyünü deyən B.Muradova son hadisələrin həmin ərazilərdə yaşayan əhali arasında hər hansı təlaşın yaranmasına səbəb olmadığını da açıqlayıb:
“İnsanlar həmişəki kimi gündəlik həyatlarını sürürlər. Əhali yüksək əhval-ruhiyyədədir, həyəcansız, təlaşsız yaşayırlar və burada real həyat var. Əhali Azərbaycan Ordusunun qüdrətinə güvənərək bu ərazidə yaşayır və Ali Baş komandana, onun rəhbərliyi ilə Ordunun Azərbaycan vətəndaşlarının təhlükəsizliyinin təmin edəcəyinə inanırlar”.
B.Muradovanın sözlərinə görə, təmas xəttinə yaxın bölgələrdə insanlar artıq neçə illərdir ki, gərginliklə müşahidə olunan həyat sürməkdədirlər. Ona görə də hansısa bir hadisə onların təlaşa düşməsinə şərait yaratmır:
“Ordumuz istənilən təzyiqin qarşısını alır və düşmənə ciddi zərbələr vurur. İnsanlar da əmindirlər ki, Azərbaycan Ordusu düşmənin istənilən təzyiqinin qarşısını almağa qadirdir”.
Qeyd edək ki, fevralın 24-dən 25-ə keçən gecə Ermənistan silahlı qüvvələrinin bölmələri bütün cəbhə boyu irimiqyaslı təxribatlar törətmək məqsədilə müxtəlif istiqamətlərdə mövqelərimizə soxulmağa cəhd göstəriblər.
Qoşunlarımız tərəfindən qarşı tərəfin daim izlənməsi, qurulan pusqular və döyüş mühafizəsinin təşkili nəticəsində düşmənin hərəkəti əvvəlcədən aşkar edilərək onun müdafiəmizin dərinliyinə irəliləməsinin qarşısı qətiyyətlə alınıb.
Cəbhənin Xocavənd-Füzuli istiqamətində əlverişli mövqeləri ələ keçirməyə cəhd göstərən düşmənlə qoşunlarımız arasında daha ağır döyüş toqquşması baş verib. Bu istiqamətdə pusquda duran bölmələrimiz düşmən hücumunun qarşısını cəsarətlə alaraq onu geri çəkilməyə məcbur edib. Döyüş toqquşması nəticəsində itkilərimiz olub.
-
Qoroskop17:18
Bürclər üçün gözlənilən xəbər: Önümüzdəki 4 ay boyunca...
-
Qarabağ 16:38
Sühməramlılar bu tarixə qədər Qarabağı tam tərk edəcək
-
Sosial15:57
Azərbaycanda özünün xəbəri olmadan “şirkəti” olanlar: Vətəndaşı necə aldadırlar?
-
Dünya15:44
Bu ölkə ukraynalı diversantlara təlim keçir: Rusiya sərhədini yaracaqlar
-
Hadisə15:17
Ali Məhkəmənin hakimi intihar etdi - Şok səbəb
-
Rəsmi xronika14:54
Prezidentdən Mikayıl Cabbarov və Samir Şərifovla bağlı SƏRƏNCAM
-
Qarabağ 13:50
Polis Xankəndidə xüsusi əməliyyat keçirdi - Anbaan görüntülər
-
Qarabağ 13:05
ANAMA-nın əməkdaşı Şuşada minaya düşdü - TƏCİLİ