• USD 1,7000 0,00% EUR 1,8478 +0,08%
    • GBP 2,2083 +0,41% RUB 0,0260 -1,92%

Səfirimiz Əbdüləziz Əl-Tüveycriyə medal təqdim etdi

Səfirimiz Əbdüləziz Əl-Tüveycriyə  medal təqdim etdi

Azərbaycan Respublikasının Mərakeş Krallığındakı səfiri Oktay Qurbanov İSESKO-nun sabiq baş direktoru Əbdüləziz Əl-Tüveycri ilə görüşüb.

Publika.az xəbər verir ki, görüşdə Əbdüləziz Əl-Tüveycrinin ölkəmiz ilə İSESKO arasında münasibətlərin inkişafı istiqamətində fəaliyyətinin Azərbaycan Hökuməti tərəfindən yüksək qiymətləndirildiyi vurğulanıb. Həmçinin Əbdüləziz Əl-Tüveycrinin Ermənistanın Azərbaycana qarşı hərbi təcavüzü ilə bağlı hər zaman ölkəmizin mövqeyini dəstəkləyən qətiyyətli mövqe nümayiş etdirdiyi, dəfələrlə müvafiq bəyanatlar verdiyi qeyd olunub. İSESKO-nun sabiq baş direktoruna “Azərbaycan Respublikası diplomatik xidmət orqanlarının 100 illiyi (1919-2019)” yubiley medalı təqdim edilib.

Azərbaycanın İslam dünyasının ayrılmaz hissəsi olduğunu vurğulayan Əbdüləziz Əl-Tüveycri İSESKO-nun baş direktoru vəzifəsində çalışdığı müddətdə ona hərtərəfli dəstək göstərən Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya dərin minnətdarlığını ifadə edib.

Halal Nemət

Xəbər lenti

DAHA ÇOX XƏBƏR