Nida Xəbər

Silahlı Qüvvələr Günü münasibətilə Azərbaycan Ordusunda silsilə tədbirlər keçirildi - FOTO

26 İyun 2021 19:00

26 iyun - Silahlı Qüvvələr günü münasibətilə Əlahiddə Ümumqoşun Ordu, Hərbi Hava Qüvvələri və Hərbi Dəniz Qüvvələri, hərbi birlik, birləşmə, eləcə də xüsusi təyinatlı təhsil müəssisələrində silsilə tədbirlər keçirilib.

Publika.az xəbər verir ki, hərbi hissələrdə ictimai-siyasi hazırlıq dərsləri, “dəyirmi masa”lar, konfranslar, muzeylərə ekskursiyalar, o cümlədən kitab, foto və rəsm sərgiləri təşkil olunub, sənədli və bədii filmlər nümayiş etdirilib.

Bayramla əlaqədar ümummilli lider Heydər Əliyevin, Azərbaycan Milli Qəhrəmanları və Sovet İttifaqı Qəhrəmanlarının abidələri, Şəhidlər xiyabanları ziyarət edilib, bayram konsertləri, kütləvi hərbi vətənpərvərlik tədbirləri və digər fəaliyyətlər təşkil olunub.

Tədbirlərin sonunda Azərbaycan Respublikası Prezidentinin sərəncamı ilə təltif olunanlara orden və medallar, xidmətdə fərqlənən hərbi qulluqçulara isə fəxri fərman və qiymətli hədiyyələr təqdim olunub.