Eldar Həsənov DTX-nin qospitalına köçürüldü
Bizi izləyin

Nida Xəbər

Eldar Həsənov DTX-nin qospitalına köçürüldü

Sabiq səfir Eldar Həsənov bu gün Dövlət Təhlükəsizliyi Xidmətinin Hərbi Qospitalına köçürülüb.

Publika.az xəbər verir ki, bu barədə onun vəkili Cavad Cavadov məlumat yayıb.

O bildirib ki, Eldar Həsənov stasionar qaydada müayinə, müalicə və cərrahiyyə əməliyyatları aparılması üçün Dövlət Təhlükəsizliyi Xidmətinin Hərbi Qospitalına köçürülüb.

Xatırladaq ki, E.Həsənov Dövlət Təhlükəsizliyi tərəfindən saxlanılıb. Səbail Rayon Məhkəməsi tərəfindən onun barəsində həbs qətimkan tədbiri seçilib.

E.Həsənova qarşı Cinayət Məcəlləsinin 308.2-ci (Vəzifə səlahiyyətlərindən sui-istifadə) və 308-1.1-ci (Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə) maddələri üzrə ittiham irəli sürülüb.

E.Həsənovun sonuncu vəzifəsi Azərbaycanın Serbiya, Monteneqro, Bosniya və Hersoqovinadakı səfiri olub.

Oxumağa davam et
Reklam
Reklam

Gündəm