• USD 1,7000 0,00% EUR 1,9195 -0,07%
    • GBP 2,2499 -0,41% RUB 0,0231 +0,43%

Türkiyə Beynəlxalq Türk Akademiyasının Elmi Şurasına sədrliyə başladı

Türkiyə Beynəlxalq Türk Akademiyasının Elmi Şurasına sədrliyə başladı

Beynəlxalq Türk Akademiyasının Elmi Şurasının 4 noyabr tarixində İstanbulda keçirilən IV İclasında Şuraya müddətli sədrlik Azərbaycandan Türkiyəyə keçib.

Publika.az xəbər verir ki, Türk Akademiyasının prezidenti Darxan Kıdırali Azərbaycanın sədrliyi dövründə, pandemiyanın yaratdığı çətinliklərə baxmayaraq, bir çox tədbirlərin fasiləsiz və uğurla həyata keçirildiyini bildirib və səmərəli əməkdaşlığa görə Azərbaycanın təhsil naziri Emin Əmrullayevə təşəkkürünü çatdırıb. Akademiya rəhbəri Türkiyə tərəfinin sədrliyi uğurla davam etdirəcəyinə əminliyini ifadə edib.

Təhsil naziri Emin Əmrullayev Akademiyaya və Elmi Şura üzvlərinə təşəkkürünü bildirərək, dönəm başqanlığını bildirən rəmzi lövhəni Türkiyə milli təhsil naziri Mahmud Özerə təqdim edib.

Bir sıra məsələlərin müzakirə olunduğu toplantıda ilk dəfə qonaq qismində Özbəkistan da iştirak edib və Türk Akademiyasının fəaloyyətinə önəm verdiyini bildirib.

İclasda Beynəlxalq Türk Akademiyasının Elmi Şurasının V iclasının 2022-ci ilin mart ayınadək Qazaxıstanda keçirilməsi qərara alınıb.

Halal Nemət

Xəbər lenti

DAHA ÇOX XƏBƏR