Nida Xəbər

Ərdoğandan ölüm hökmü ANONSU: Qərar çıxarsa...

1 İyul 2022 19:55

Türkiyə prezidenti Rəcəb Tayyib Ərdoğan jurnalistlərə açıqlamasında Pınar Gültəkini qətlə yetirən Camal Metin Avcının ağırlaşdırılmış ömürlük həbs cəzasının 23 ilə endirilməsi ilə bağlı qərarını haqsızlıq adlandırıb.

Publika.az xəbər verir ki, Türkiyənin dövlət başçısı ölüm hökmünün gündəmə gələ biləcəyini də söyləyib:

“Bilirsiniz, edam cəzası yenidən ölkə gündəminə gələ bilər. Hətta bu məsələnin müzakirə edilməsi də mümkündür. və bu müzakirə oluna bilər. Təbii ki, Pınar xanımın qətli əsl vəhşilikdir və bu millətə yaraşmır. Sizə deyim ki, bu məsələ ilə bağlı ədliyyə naziri ilə lazımı müzakirələr apardıq. Müzakirələrin yekununda uyğun addımlar atılacaq. Çünki bu ölkədə Pınar xanımın vəziyyətinə bənzər çoxlu faciələr yaşanıb. Təbii ki, bu, konstitusiya dəyişikliyini tələb edən məsələdir. Əgər parlament belə bir qərar çıxararsa, mən həmin qərarı təsdiq edəcəyəm”.