Nida Xəbər
Su təsərrüfatı sahəsində təltif edilənlərə mükafatlar təqdim olundu
![](https://publika.az/storage/2022/08/03/su-4.jpg?v1725754174)
5 iyun – “Su təsərrüfatı və meliorasiya işçiləri günü” peşə bayramı ərəfəsində Azərbaycan Respublikası Prezidentinin sərəncamları ilə “Əməkdar mühəndis” fəxri adı almış və “Tərəqqi” medalına layiq görülmüş, həmçinin “Azərsu” Açıq Səhmdar Cəmiyyətinin Fəxri fərmanı ilə təltif olunmuş əməkdaşlara mükafatların təqdim olunması mərasimi keçirilib.
Publika.az xəbər verir ki, “Azərsu” ASC sədrinin birinci müavini Teyyub Cabbarov təltif olunmuş əməkdaşları təbrik edərək bildirib ki, istehlakçıların içməli və tullantı su xidmətlərindən istifadəsinin yaxşılaşdırılması məqsdi ilə Prezident İlham Əliyevin tapşırıqlarına uyğun olaraq genişmiqyaslı işlər görülüb, mühüm layihələr həyata keçirilib. Əhalinin sosial-məişət şəraitinin yaxşılaşdırılmasına hesablanmış bu layihələrin icrasında su təsərrüfatı işçilərinin böyük əməyi vardır.
Su təsərrüfatı və meliorasiya sahəsi işçilərinin əməyini yüksək qiymətləndirən Prezident İlham Əliyevin 14 may 2014-cü il tarixdə imzaladığı sərəncamla 5 iyun - “Su təsərrüfatı və meliorasiya işçiləri günü” peşə bayramı təsis edilib. Hər il peşə bayramı ərəfəsində bir qrup su təsərrüfatı işçisi fəxri ad və medallarla təltif olunur. Prezident İlham Əliyevin 04 iyun 2022-ci il tarixli sərəncamına əsasən su təsərrüfatı sahəsində səmərəli fəaliyyətinə görə “Azərsu” ASC-nin 1 əməkdaşı “Əməkdar mühəndis” fəxri adına layiq görülüb, 12 əməkdaşı isə “Tərəqqi” medalı ilə təltif olunub. Bununla yanaşı, əmək fəaliyyətində fərqlənən 102 əməkdaş “Azərsu” ASC-nin Fəxri fərmanına, 108 əməkdaş isə təşəkkürnaməyə layiq görülüb.
Tədbirdə su təsərrüfatı sahəsində səmərəli fəaliyyətinə görə təltif olunan “Azərsu” ASC əməkdaşlarına “Əməkdar mühəndis” fəxri adının vəsiqəsi, “Tərəqqi” medalları, fəxri fərman və təşəkkürnamələr təqdim olunub.
Təltif olunan əməkdaşlar su təsərrüfatı işçilərinin əməyinə verdiyi qiymətə görə dövlət başçısına minnətdarlıqlarını bildirib, göstərilən etimadı doğrultmaq üçün bundan sonra da əzmlə çalışacaqlarını vurğulayıblar.
![](https://publika.az/storage/2022/08/03/su-3.jpg)
![](https://publika.az/storage/2022/08/03/su-1.jpg)
![Publika.az](https://publika.az/assets/main/image/logo-nav.png)
-
Dünya01:35
Ukrayna İranı hədələdi: Bu xəbərlər təsdiqlənərsə...
-
Magazin17 Sentyabr 23:46
Zeynəb Xanlarova ilə Nəsibə Abdullayeva bir arada - FOTO
-
Region7 Sentyabr 23:32
İranın paytaxtı bura köçürüləcək - Pezeşkian "başqa çarəmiz yoxdur" deyərək açıqladı
-
ABŞ7 Sentyabr 22:26
Blinken onunla şəxsən görüşmək istəyir
-
Nida Xəbər 7 Sentyabr 21:24
Mehriban Əliyeva İlham Zəkiyevi təbrik etdi
-
Sosial7 Sentyabr 20:30
Hamı Bakının bu qəsəbəsindən torpaq alır - Səbəbi görün nə imiş
-
Region7 Sentyabr 18:15
Mirzoyan Ankarada bəyan etmişdi: Türkiyəyə təhvil verdilər
-
Nəqliyyat7 Sentyabr 17:47
Dünyada bir ilk: Bu avtomobil tarixə düşdü - FOTO