SON DƏQİQƏ: Ukrayna bu şəhəri ruslara təslim etdi

Ukrayna Silahlı Qüvvələrinin (AFU) Ali Baş Komandanı Aleksandr Sırski Ukrayna qoşunlarının Avdiyevkadan çıxdığını elan edib.

Publika.az xəbər verir ki, o, qərarını “şəhər ətrafında yaranmış əməliyyat vəziyyətinə əsaslanaraq” bölmələri müdafiəyə ötürmək planı ilə izah edib.

Hərbi komandir əlavə edib ki, bölmələr mühasirəyə düşməmək, döyüşçülərin həyat və sağlamlığını qorumaq üçün Avdiyevkanı tərk ediblər. Onun sözlərinə görə, Ukrayna Silahlı Qüvvələri daha əlverişli mövqelərdə möhkəmlənib.

“Biz vəziyyəti sabitləşdirmək, mövqelərimizi qorumaq üçün tədbirlər görürük. Onsuz da Avdiyevkanı qaytaracağıq”, - Sırski deyib.

Ukrayna Silahlı Qüvvələrinin “Tavriya” əməliyyat-strateji qoşun qruplaşmasının komandiri Aleksandr Tarnavski Avdeyevkanın təslim edilməsi barədə qərarın qəbul edilməsinin səbəblərinə aydınlıq gətirib . General Ukrayna Silahlı Qüvvələrinin mövqelərinin davamlı olaraq bombalanmasını nəzərə alaraq geri çəkilməyi yeganə düzgün qərar adlandırıb.

“Göstərilən digər səbəb mərmilərin olmaması idi, hər bir Ukrayna mərmisinə on rus mərmi düşür. Mühasirəyə imkan verilmədi, şəxsi heyət çıxarıldı, əsgərlərimiz müəyyən xətlərdə müdafiə mövqelərini tutdular”, - deyə o, yekunlaşdırıb.