Ceyhun Bayramov COP29 çərçivəsində Karla Natali Barnett ilə danışıqlar apardı

Azərbaycanın xarici işlər naziri Ceyhun Bayramov Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Karib Hövzəsi Ölkələri Birliyinin (CARICOM) baş katibi Karla Natali Barnett ilə müzakirələr aparıb.

Publika.az xəbər verir ki, bu barədə Azərbaycan XİN-in "X" sosial şəbəkəsindəki hesabında paylaşım edilib.

"Azərbaycanın xarici işlər naziri Ceyhun Bayramov Karib Hövzəsi Ölkələri Birliyinin (CARICOM) baş katibi Karla Natali Barnett ilə görüş keçirib. Görüş zamanı CARICOM-la gələcək əməkdaşlıq perspektivləri, həmçinin COP29-a sədrlik prioritetləri və inkişaf etməkdə olan kiçik ada dövlətlərinin iqlim səylərini dəstəkləməyə dair Azərbaycanın təşəbbüsləri müzakirə olunub. Dialoqun daha da aktivləşdirilməsi üçün bu cür qarşılıqlı əlaqələrin davam etdirilməsinin zəruriliyi vurğulanıb", - paylaşımda qeyd edilib.

On the sidelines of @COP29_AZ, Minister of Foreign Affairs of the Republic of #Azerbaijan @Bayramov_Jeyhun had a meeting with @SG_CARICOM @BarnettCN to discuss prospects of future cooperation and activities with CARICOM, as well as #COP29 presidency priorities and initiatives of… pic.twitter.com/FG5BjmbPTO

— MFA Azerbaijan (@AzerbaijanMFA) November 15, 2024