Azərbaycan səfiri Paşinyanı ermənicə salamladı: Ona sülh üçün vacib məqamı xatırlatdı - VİDEO

Azərbaycanın Almaniyadakı səfiri Nəsimi Ağayev Almaniyaya səfəri çərçivəsində Almaniyanın Xarici Əlaqələr Şurasında keçirilən görüşdə Ermənistanın baş naziri Nikol Paşinyanı salamlayıb.

Publika.az xəbər verir ki, Ağayev Paşinyanı ermənicə salamlayıb:

“Almaniyaya xoş gəldiniz", - Ağayev ermənicə deyib, sonra ingilis dilinə keçib.

Onun sözlərinə görə, region bir neçə il əvvəl təsəvvür etmək çətin olan böyük dəyişikliklərə məruz qalır.

"Bu, bizim və sizin əldə etdiyimiz münasibətlərdə ən sabit və dinc dövrdür. Biz təmin etmişik ki, övladlarımız və nəvələrimizə bu ağrılı və uzun sürən münaqişə miras qalmasın. Və ümid edirik ki, onlar həmişə sülh şəraitində yaşayacaqlar. Və Azərbaycan, əlbəttə ki, sülh gündəliyinin təşəbbüskarı olub", - səfir bildirib.

O, Vaşinqton razılaşmalarının tam şəkildə yerinə yetiriləcəyinə ümid etdiyini bildirib. Bura Azərbaycan və Naxçıvan arasında maneəsiz gediş-gəlişi təmin edəcək TRIPP daxildir. Ağayev “son maneəni” – Ermənistan Konstitusiyasına dəyişiklikləri də xatırladıb.

"Ümid edirik ki, bu da öz həllini tapacaq ki, biz sülh müqaviləsini rəsmən imzalaya bilək", - Ağayev qeyd edib.

Tural