Nida Xəbər

Əliyevlə Paşinyan bu tarixdə Vaşinqtona gedəcək - İDDİA

9 Fevral 2026 14:49

Prezident İlham Əliyev və Ermənistanın baş naziri Nikol Paşinyan ABŞ prezidenti Donald Trampın Sülh Şurasının zirvə toplantısında iştirak etmək üçün Vaşinqtona səfər edəcək.

Publika.az xəbər verir ki, bu barədə ABŞ mənbələri məlumat yayıb.

Məlumata görə, səfər fevralın 19-da planlaşdırılır.

Qeyd edək ki, “Axios” nəşri ABŞ rəsmisinə və Şuranın dörd üzv ölkəsinin diplomatlarına istinadən Qəzza Sülh Şurası liderlərinin görüşünün 19 fevral tarixində planlaşdırıldığını yazmışdı. Məlumata görə, ABŞ bu görüşdə Qəzza atəşkəs sazişinin ikinci mərhələsinin həyata keçirilməsini təmin etmək və regionun yenidən qurulmasına vəsait cəlb etmək niyyətindədir.

“Bu, Sülh Şurasının ilk iclası olacaq və Qəzzanın yenidən qurulması üçün ianə toplanacaq”, - amerikalı rəsmi bildirib.

Lakin sammitlə bağlı planların ilkin mərhələdə olduğu, müəyyən dəyişikliklərin edilməsinin mümkünlüyü vurğulanır.

Asif