Yeni nazir kimdir? - DOSYE

Xəbər verdiyimiz kimi, Rəşad İsmayılov ekologiya və təbii sərvətlər naziri təyin edilib.

Publika.az yeni nazirin dosyesini təqdim edir.

1979-cu il təvəllüdlü Rəşad İsmayılov bu təyinatadək ekologiya və təbii sərvətlər nazirinin birinci müavini vəzifəsində çalışıb.

Bakı Dövlət Universitetinin “hüquqşünaslıq” ixtisası üzrə bakalavr və magistr pillələrini bitirib.

Əmək fəaliyyətinə 2000-ci ildə “Zəhmət” kiçik müəssisəsində hüquqşünas kimi başlayıb.

2006-2013-cu illərdə dövlət qurumlarında hüquq məsləhətçisi kimi fəaliyyət göstərib.

2016-2018-ci illərdə Azərbaycan Respublikasının Prezidenti yanında Mənzil İnşaat Agentliyinin Hüquq və nəzarət şöbəsinin müdir müavini, şöbə müdiri, 2018-2019-cu illərdə Azərbaycan Respublikasının Dövlət Şəhərsalma və Arxitektura Komitəsi Aparatının Hüquq və daxili nəzarət şöbəsinin müdiri, 2019-2024-cü illərdə Azərbaycan Respublikasının Dövlət Şəhərsalma və Arxitektura Komitəsində Aparat rəhbəri vəzifələrində işləyib.

15 avqust 2024-cü ildə isə ekologiya və təbii sərvətlər nazirinin birinci müavini vəzifəsinə təyin edilmişdi.